Ky artikull në blogun tonë është për të gjithë ata që na vizitojnë në dyqan dhe nuk e kanë të qartë se cfarë gramafoni të zgjedhin. Ju pëlqen shumë ideja për të marrë një gramafon për vete apo për dhuratë por ndihen në siklet për modelin e gramafonit që duhet të blejnë, qoftë për arsye se nuk kanë informacion për gramafona ose kanë një buxhet të limituar ose nuk dinë cfarë do pëlqejë personi që do jia bëjnë dhuratë!
Kështu që menduam të shkruajmë më poshtë disa këshilla si dhe një informacion mbi llojet e gramafonave që ne ofrojmë si dhe ndryshimet midis tyre. Do përpiqemi t’u japim përgjigje disa nga pyetjet që secili ka kur do të blejë një gramafon. Sigurisht, përgjigjet tona nuk plotësojmë të gjitha pyetjet që secili mund të ketë sepse preferencat dhe dëshirat që ka secili janë pafund. Kështu që e fillojmë me disa pyetje të thjeshta.
Dua një gramafon për dhuratë. Cfarë më sugjeroni?
Kur doni të bëni një gramafon për dhuratë, pyetja e parë që ju drejtojmë është se cfarë buxheti keni për dhuratën. Kjo pyetje, pavarësisht se mund të duket si ndërhyrje në botën personale, limiton gamën e gramafonave që ne do t’ju sugjerojmë dhe ndihmon klientin për t’u fokusuar në produktet me buxhet të limituar. Në produktet me çmime ekonomike janë të gjitha gramafonat në stil valixhe dhe me bokse të integruara.
Cfarë janë gramafonat stil valixhe?
Këto gramafona janë zgjidhja ideale për ata që nuk duan të shpenzojnë shumë dhe duan thjesht të ngacmojnë shokun ose shoqen e tyre me një dhuratë të zgjuar që zakonisht shoqërohet me një album. Këto gramafona ofrojnë gjilpërë të thjeshtë qeramike, bokse të vogla të integruara në gramafon sa për të dëgjuar muzikën në dhomën ose sallonin e tyre. Një nga produktet best seller në këtë kategori është Classic Phono TT10BN. Këto gramafona valixhe luajnë të gjitha llojet e vinileve dhe vijnë me opsione dhe ngjyra të ndryshme. Zakonisht kanë pamje të bukur, stil vintage dhe nuk zënë shumë vend dhe çmime që variojnë nga 7900 lek në 12.500 lek. Dhe kjo është pika e tyre e fortë.
Në këto lloj gramafonash nuk do të shijosh audio cilësore për të dëgjuar albumin ose vinilin tënd të dashur. Janë shumë të bukur për të dëgjuar në background albume jazz ose soul, ose muzikë alternative me ritme të ngadalta. Nuk janë të mirë për të dëgjuar muzikë të fortë si rock ose albume cilësore me shumë vegla muzikore që kanë performancë. Nëse dikush do të dëgjojë këto lloj albumesh dhe ka ndërmend të bëjë një koleksion albumesh p.sh. deri në 10 vinile, atëherë duhet të shikojë alternativat më poshtë.
Gramafona “all in one” me gjilpërë cilësore dhe bokse të integruara
Këto lloj gramafonash janë një shkallë më lart se gramafonat valixhe për dy arsye: Arsyeja e parë është gjilpëra më e mirë që kanë, zakonisht AT3600 që konsiderohet si standart për të filluar dhe dëgjuar vinil. Ndërkohë që gramafonat valixhe kanë gjilpërë plastike të kuqe qeramike, këto gjilpëra janë në ngjyrë të bardhë dhe kanë kokë diamanti. Kjo e bën leximin e albumeve të vinilit më të plotë duke nxjerrë në pah më shumë frequenca tingujsh dhe veglash muzikore. Çmimi i një gjilpëre të kuqe qeramike varion nga 800 në 1.500 lek, kurse i një gjilpëre AT 3600 rreth 2.500 me 3.000 lek. Arsyeja e dytë janë bokset më cilësore dhe më të fuqishme që kanë këto gramafona. Duke qenë se gjilpëra është më e mirë, atëherë edhe bokset duhet të përshtaten që të jenë më cilësore dhe të fuqishëm. Kështu, me këto dy karakteristika bazë, është bërë një hap i madh për të dëgjuar më pastër, më fortë dhe më bukur albumin tuaj. Në këtë kategori gramafonash janë p.sh. modelet Lenco LS 410, Lenco LS 570Ok etj. Do të thoshim që me këtë kategori gramafonash fillon dhe dëgjon vinil.
Dua një gramafon për vete, cilësor!
Kur dikush na thotë se dua të blej një gramafon se kam blerë një shtëpi dhe dua të përshtas një vend në librarinë time për gramafon, atëherë pyetja që ne bëjmë së pari është se cfarë eksperiencë ka personi me muzikën dhe vinilin në përgjithësi. Nëse i pëlqen muzika në përgjithësi dhe dëgjon vazhdimisht albumet ose këngëtarët e tij të dashur dhe tani do t’i dëgjojë me cilësi më të lartë në albume vinili, atëherë është personi që duhet të shikojë në kategorinë e gramafonave sete. D.m.th. gramafona me bokse të ndara.
Këto lloj gramafonash përveç se kanë gjilpërë At 3600 që thamë më lart, kanë 2 komponentë shtesë që e bëjnë dëgjimin e vinilit një eksperiencë ndryshe nga cfarë secili ka dëgjuar deri tani muzikë (në spotify, radio, tv, youtube etj). Bokset e ndara nga vetë gramafoni janë bokse që janë ndëruar posaçërisht për të ofruar cilësi dhe fuqi audio. Sigurisht ka pafundësi boksesh dhe opsionesh në këtë kategori, por nga momenti që bokset janë veç dhe gramafoni veç, audioja që ofrohet në krahasim me bokset e integruara në gramafon, është shumë herë më e mirë. Nga ana tjetër, një rol të madh në këtë opsion është vetë gramafoni. Kur gramafoni nuk ka bokse të integruara dhe shumë opsione të tjera, atëherë ai është një gramafon i mirëfilltë ku prodhuesi bën cmos që të jetë një gramafon i mirë në varësi të çmimit që ofron.
Cfarë e bën një gramafon cilësor?
Përveç se kokës së gjilpërës që thamë më lart, dhe me pak fjalë, një gramafon cilësor e bën pesha e vet. Nëse ju ngreni një gramafon dhe ai është i lehtë atëherë ai është një gramfon i lirë. Nuk ja vlen! Nëse një gramafon është i rëndë, atëherë, më shumë mundësi flasim për gramafon cilësor. Por pse ndodh kjo? Sepse në një gramafon të lehtë, sic ndodh në gramafonat “all in one” stil valixhe etj, po ta hapësh nga brenda vëren 3 gjëra: Kasën prej kartoni të presuar ose thjesht plastike, mekanizmat e brendshme që shumica janë plastike dhe një chip.
Çdo gjë është ndërtuar për të mos zgjatur më shumë se 3 me 5 vjet. Në gramafonat cilësorë këto tre komponentë janë krejt ndryshe. Së pari kasa e gramafonit mund të jetë prej druri cilësor ose krejt natural ose plastike e një cilësie të lartë. Mekanizmat në një gramafon cilësor nuk janë plastike, ato janë prej alumini ose hekuri. Krahu i gramafonit mund të jetë me fije karboni që e bën të fortë por edhe të lehtë për t’u manovruar. Pllaka mund të jetë prej xhami, ose alumini, ose hekuri që ajo të mbajë sa më mirë albumin e vinilit që ai të mos kërcejë valle sic bëhet në një pllakë plastike.
Bazamenti mund të jetë me materiale abzorbuese që të thithë edhe lëvizjet më të vogla nga gjilpëra. Në varësi të të gjitha këtyre opsioneve që ofrohen në një gramafon, është edhe cilësia që ai ka. Zakonisht një gramafon të tillë e blen një herë dhe e ke për më shumë se 10 vjet nëse e mirëmban. Dhe çmimi i një gramafoni të tillë mund të fillojë nga 250 Eur dhe të arrijë në 1000 eur.
Po nëse dua diçka të mirë me sa lek e blej?
Sikurse thamë më lart cilësia nuk ka fund. Një gramafon të mirë e bëjnë materialet dhe eksperienca e prodhuesit. Por me një gramafon nuk mund të dëgjosh muzikë. Të duhen bokse dhe mbase edhe amplifikator.
Gjëja e parë që zgjedh është gramafoni. Në varësi të zgjedhjes së llojit të gramafonit dhe buxhetit që ke shpenzuar për atë duhet të zgjedhësh edhe bokset. Opsionet duhet të jenë në një propozion të logjikshëm. P.sh. nuk mund të marrësh një gramafon 600 eur dhe të zgjedhësh bokse 100 Eur ose anasjelltas. Nëse bokset janë aktive, d.m.th. nuk kanë nevojë për amplifikator ose phono, atëherë vlera a gramafonit duhet të jetë pak a shumë sa vlera e bokseve që të kesh një set të balancuar.
Dhe po t’i kthehemi përgjigjes më lart se sa lek duhet të shpenzoj për të pasur një set të mirë të balancuar, ne mendojmë që një set i mirë me bokse aktive duhet të fillojë në buxhetin 600 Euro e lart. Në këtë lloj buxheti fillon të dëgjosh me cilësi vinil pasi ke një gramafon min 300 Eur dhe një Set Boksesh min 300 Eur. Ky është një buxhet që fillon dhe dëgjon vinil dhe muzikë nga albume të të gjitha llojeve dhe që mund të fillosh tashmë të koleksionosh.
Ky është një set i mirë për të pasur një koleksion 30-50 albume. Por nëse do të bëshesh një koleksionsit i mirëfilltë dhe do të shijosh muzikën nga vinile që duan performancë të lartë audio atëherë të duhet një nivel tjetër seti, që quhet HI FI Set.
Cfarë është HI FI Set?
Hi FI është një term për produkte audio për shtëpi që kanë një performancë të lartë akustike dhe riprodhimi të tingullit. Si term mund të përfshijë amplifikatorë, bokse, phono etj. Të gjitha këto duke u kombinuar me një gramafon cilësor përbëjnë një set hifi cilësor dhe personi që dëgjon këtë lloj seti quhet audiophil. D.m.th. është mik i muzikës dhe audios së mirë. Cfarë përmban minimum një set i tillë dhe sa kushton? Një set në nivel audiofil fillon nga minimum në një vlerë 1.000 Eur dhe shkon në vlera mbi 5.000 Eur.
Kombinimet që mund të bëhen janë të shumta, por në këtë rast duhet një eksperincë e mirë e personit për të njohur jo vetëm specifikat e secilit produkt qoftë ky gramafon, amplifikator, phono ose bokse por edhe mënyrën e duhur për t’u lidhur me njëri tjetrin për të dhënë rezultatin më pozitiv. Për këtë nivel audioje, në sallonin tonë në Gramafon dhe në Audioshop, ne kemi një dhomë të veçantë hifi që mund të dëgjosh dhe shikosh nga afër produkte të nivelit të tillë.
Për më shumë pyetje dhe informacion mbi çështjet më lart mos hezitoni të na kontaktoni në Instagram @gramafon_al ose në Whatsup ose të na vizitoni nga afër. Për të dëgjuar nga afër një set hifi është mirë të lini paraprakisht një takim.
Copyright: Gramafon.al
